في وداع  والدته السلطانة الزميل اندريه داغر: لأول مرة بتتركيلي ايدي..كسرتيلي قلبي

الرئيسية فن / Ecco Watan

الكاتب : محرر الصفحة

Nov 26 22|18:12PM :نشر بتاريخ

كتب الاعلامي الزميل اندريه داغر عبر صفحته على فيسبوك بعد رحيل والدته السيدة مهيبة لحود ابو سرحال ارملة المرحوم فرنسيس داغر  والتي كان يلقبها بالسلطانة
" يا أمي... اليوم كانت رحتلك الاخيرة عالارض صوب السما مطرح يللي كلو محبة وجمال وراحة، لأول مرة بتتركيلي ايدي، لأول مرة ما بتمسكيلي ايدي، لأول مرة كل واحد فينا بروح بطريق مختلف، لأول مرة ما منتشارك نفس المشوار، كسرتيلي قلبي ووجعتيلي قلبي،بس حطيت اليوم خدي ع خدك بالتابوت لأول مرة بسقع وببرد بدل ما ادفى، رحيلك عذاب مع اني بعرف انك رايحة عالجنة حد يسوع والعدرا والملائكة ، بعرف انك رح تلاقي بيي فوق، وبعرف انه استقبلك بقلب قلبه، وبعرف كتير منيح قدي رح يعتني فيكي،
ابو جورج ردينالك الأمانة انتبهلها منيح، بدي ذكرك  انها بتحب البوظة كتير وبتخاف من العتمة، وبتفرح بالجمعة، جمعلها تبقى كل الأحبة يلي موجودين معك ، بتحب الفرح والصلاة والرفقة الحلوة، بتحب تزور القديسين خدها لتبقى تشوفن ، وتبقوا صلولنا سوى من فوق لنقدر نتحمل وجع فراقكن...
إلى أن نلتقي" 

وارفق منشوره بصورة لوالدته الراحلة.
 اسرة ايكو وطن تتقدم من احد افرادها الزميل اندريه داغر بأحر التعازي .

انضم إلى مجموعة ايكو وطن الاخبارية عبر الواتساب: